Xuntança Mosteiro de Xagoaza, 14 de Julho de 2007

Por orde e mandato desde o Mais Alá, do nosso Gurú, o nosso Druida, o nosso Poeta, Segrel, Bardo, Trovador e Poeta Máximo da nossa Tribo Galega, Roi Xordo da Irmandade, D. Manuel María e Fernández Teixeiro, venho à convocar a nossa grei, para se juntar, celebrando o solstício de Verao, que ademáis de um bom costume que já tinham os nossos antergos Celtas, e um bom pretexto como outro qualquer.
-E como já levamos bastantes tempos sem nos encontrar, será umha Juntança báquica, épica, lúdica, trófica, fáustica, hedónica e algo túzara, pois temos a sede atrazada.

-Juntaremo-nos o dia 14 Julho, por volta das 12 horas da manhá no Mosteiro de Xagoaza, (Godeval, Avda. de Galicia 20, tlf 988 325309), no Barco de Valdeorras, o Barco mais grande do Mundo, e depois de perguntar várias voltas por ali, e seguindo o recendo do vinho, encontraremos a ADEGA e hospitalidade do Irmandinho D. Horacio Fernández Presas

-Seguindo nosso rito tradicional, ancestral e consuetudinário, atoparemo -nos ali com:

1.-Umha prova de vinhos do entorno , contorno e bisbarra.

2.-Umha entronizaçom de novos confrades (todos tenhem caciqueado suficientemente). 

3.-Um pranto-oraçom-lembrança dos que nos precederom caminho da Eternidade (últimamente o Lamentado e Generoso Irmandinho D. Manuel Domínguez Diz).

4.-Um frugal almorço de viandas locais. "Nada ha melhor neste Mundo que bom vinho e Canto alegre…"Assim que vinde afinados com aguardente e a gorja limpa, para entonar polifonias harmónicas e filantrópicas. 

Tentaremos levar cuádriaga-autobusorum de origem a destino e volta, para evitar que nos dem pontos de sutura ou nolos retirem do carné. Informade quantos vamos ser.

E nom habendo outra cousa importante ou transcendente que vos informar, ficade com as minhas bemçons e com Baco, que nom melhorará a vossa língua, de feito, mas iluminará vosso nariz.

O Secretário das Actas e outras cousas aleatorias.

Giuseppe Paussatta
Giuseppe Paussatta, Ditto Ubérrimo Commendattore