Xuntança Monforte 28 de Julho de 2012

Saibam quantos esta virem, que a Crítica, Catártica e Apologética Irmandade dos Vinhos Galegos tem previsto se juntar no Sábado, dia 28 de Julho do ano de Glória em curso, em Monforte dos Condes de Lemos, ao pé do seu Castelo , agora Parador (sic transit gloria mundi).

E proceder no Protocolo Consuetudinário dos actos a umha visita ao Museu do Vinho, no Centro de Monforte, no velho Axuntamento as 12 horas.

Passando depois a umha cata-prova-apreciativa dos caldos da comarca, que , seleccionados polo Dr. D.Pedro Corsino, serán melhores que na vez passada, já que esta juntança vem sendo um desagrávio e um desafio á anterior.

Passaremos a umha Laica Pregária polos nossos Irmandinhos desaparecidos em singular e desigual combate com os avatares da vida e da fortuna, e depois a um suculento e austero almorço, constituido por Ensalada de Salmom, Peixe Sapo, con perdón e Jarrete de Vitela, já que por estar no Verao, vai umha comida ligeira e de pouca mantença.

O que quixer sestear, pode ficar no nesmo Parador, a preço módico de Amigo, e os que nom, voltar a sua casa o melhor e menos afectados e balaseados que puderem.

E aqui fica o que o é, Secretário Perpétuo con "ánimus perdurandi", das Actas e outros Procelosos Processos da Irmandade, que o dia que se descubriren, vamos ter que ir todos a declarar no Congresso, a ver de onde tiramos tanta alegria e desforro em tempos adustos, hirsutos e peristálticos.

A Mandar,

Giuseppe Paussatta